يويو كانت جابت لينا حركات البنات النص كم..
انا بقى جبتلكم حركات الولاد النص كم..هههههههه
بس مش كل الولاد يعنى كدة^_^
لما يقولك انا حبيتك من اول مرة كلمتك فيها ..يبقى بيقولك انا عارف انك فاهمة اني باستهبل بس اعملي نفسك مقتنعة ..
- ولما يفاجئك ويقولك ((على فكرة ماضيكي ماليش دعوة بيه لانه حصل قبل ما
اعرفك يبقى ببسااااااطة يقصد يقولك ((بالراحة كده ياماما فهميني عرفتي كام
واحد قبلي ))
-اما لو قالك انا مقدر صراحتك وانك حكيتيلي على حبك القديم ودي صراحة
نادرة ف الزمن ده يبقى عاوز يقول من غير زعل كده ((انتي بجحة اوي ))
-لما يقولك فداكي اني خلصت كارت الموبايل على اتصالي بيكي يبقى معناه
((انتي لو بتحسي على دمك شوية تبطلي ترني وتكلميني مرة واحده يا شيخة ))
- لما يقولك انا اكتر حاجة بحبها فيكي عقلك الناضج وحبك للنقاش ...يبقى قصده ((نفسي اكسر لك دماغك الحجر دي))
- لما يجبلك هدية ويقولك بس ايه رايك ف الشنطة اللي جبت فيها الهدية اعرفي
انه بيدعي من جواه ((يارب ما تخدش بالها ان شنطة الهدية قديمة كانت عندي ))
- لما يتفاجئ بالعريس اللي جالك ويقولك طبعا مصدق انك جالك عريس انتي
هاتكدبي ليه يعني ....يبقى بيقول ((لسة في بنات بتعمل الحركات القديمة دي
))
-لما يجامل ويقول انتي امورة اوي النهرده يبقى ...((مش عارف ايه البلاوي اللي بيحطوها على وشهم دي ))
لما يقول وهو متاثر بلاش تعيطي دموعك غالية عليا قوي يبقى معناه ...((خلاص بقى انتي هاتعيشي الدور ولا ايه وتعملي شهيده))!
_________________
